ევროპული კომპანია ComRes-ის და ტელეკომპანია CNN-ის მიერ ჩატარებული კვლევით დადგინდა, რომ გამოკითხულთა 18%-ს მიაჩნია, რომ ანტისემიტიზმი ებრაელების ყოველდღიური ქცევის ბრალია, 28%-ს კი ებრაელების მიმართ ნეგატიური დამოკიდებულებას ისრაელის პოლიტიკით ხსნის, - ამის შესახებ ინფორმაციას CNN ავრცელებს.
ონლაინგამოკითხვა 2018 წლის სექტემბერში ავსტრიაში, საფრანგეთში, გერმანიაში, დიდ ბრიტანეთში, უნგრეთში, პოლონეთსა და შვედეთში ჩატარდა.
დაახლოებით ოთხი გამოკითხულიდან ერთს მიაჩნია, რომ ებრაელებს ძალიან დიდი გავლენა აქვთ ბიზნესზე და მსოფლიო კონფლიქტებზე. ხუთიდან ერთმა კი იმავე არგუმენტი გამოიყენა პოლიტიკაზე და მედიაზე გავრცელებული გავლენის შესახებ საუბრისას.
გამოკითხულთა მესამედმა განაცხადა, რომ ებრაელები ჰოლოკოსტს თავიანთი პრობლემების გადაჭრისთვის იყენებენ. ზუსტად იმავე რიცხვი ფიქრობს, რომ ისრაელი ჰოლოკოსტის დახმარებით ამართლებს თავის ქმედებებს. საფრანგეთში 18-დან 34 წლამდე გამოკითხულთა შორის ყოველი მეხუთე ადამიანი აცხადებს, რომ ჰოლოკოსტის შესახებ არაფერი გაუგიათ.
გამოკითხულთა ორი მესამე აცხადებს, რომ ჰოლოკოსტის შესახებ მეხსიერება, მსგავსი ქმედების გამეორებისგან გვიცავს. 40% აცხადებს, რომ მათ ქვეყნებში ებრაელებს ქსენოფობებისგან საფრთხე ემუქრებათ.
