ვფიქრობ, იმ ძველ ძალას არ აქვს ლეგიტიმაცია, საქართველოში დაბრუნდეს, როგორც პოლიტიკური ძალა, - ამის შესახებ ფილოლოგმა ლევან გიგინეიშვილმა პირველი არხის გადაცემაში „საპრეზიდენტო არჩევნები 2018“ განაცხადა.
„ვფიქრობ, იმ ძველ ძალას არ აქვს ლეგიტიმაცია, საქართველოში დაბრუნდეს, როგორც პოლიტიკური ძალა. ჩვენ ზნეობრივ პრინციპებზე უნდა შევთანხმდეთ, რაც არაფერი დიდი შესათანხმებელი არ არის, რადგან ეს ქრისტიანული პრინციპები და ფასეულობებია, რომ მთავარი ფასეულობა ადამიანია და არ შეიძლება, ადამიანის რამისთვის გამოყენება. წინა ხელისუფლების პირობებში, წლების განმავლობაში, ეს პრინციპი სისტემურად იყო დარღვეული. იყო არაადამიანური მოპყრობის უამრავი ფაქტი, სისტემური ძალადობა და ვფიქრობ, ასეთ ძალას ლეგიტიმაცია არ აქვს“, – განაცხადა გიგინეიშვილმა.
