სამი ადამიანი დაიღუპა და ერთი დაშავდა თურქეთში, სტამბოლის ერთ-ერთ რაიონში სამხედრო ვერტმფრენის ჩამოვარდნის შედეგად. ინციდენტი სტამბოლის რაიონში, სანჯაქთეფეში მოხდა.
ვერტმფრენი ფირტინის ქუჩაზე ჩავარდა, სადაც ყოველთვის ხალხმრავლობაა. თუმცა კატასტროფის დროს ვერტმფრენის ჩამოვარდნისას იქ არავინ იმყოფებოდა.
ბორტზე მყოფთაგან სამი სამხედრო დაიღუპა. ამ დროის ინფორმაციით, ვერტმფრენის ჩამოვარდნა ტექნიკურმა გაუმართაობამ გამოიწვია.
