უკრაინა საგანგებო მდგომარეობის გამოცხადებას გეგმავს.
დღეს, უკრაინაში შედგება თავდაცვისა და უსაფრთხოების ეროვნული საბჭოს სხდომა, სადაც განიხილება საკითხი საომარი მდგომარეობის შემოღების შესახებ. ეს ინფორმაცია თავდაცვისა და უსაფრთხოების ეროვნული საბჭოს მდივანმა ალექსანდრე ტუჩინოვმა "სამხედრო კაბინეტის" სხდომის დასრულების შემდეგ განაცხადა, რომელსაც უკრაინის პრეზიდენტი პეტრე პოროშენკო ხელმძღვანელობდა.
მისივე თქმით, რუსი სამხედროების უკრაინულ გემებზე შეტევა ფასდება, როგორც საომარი აგრესიის აქტი.
შეგახსენებთ, რომ რუსმა სამხედროებმა უკრაინულ გემებზე იერიში მიიტანეს. 25 ნოემბერს, დილით, რუსეთის უსაფრთხოების ფედერალურმა სამსახურმა განაცხადა, რომ სამმა უკრაინულმა ხომალდმა რუსეთის საზღვარი უკანონოდ გადაკვეთა და ქერჩის სრუტისკენ მიემართება. უკრაინული მხარის მტკიცებით, ხომალდების მარშრუტის შესახებ რუსეთი ინფორმირებული იყო და გემები ოდესიდან მარიუპოლში მიემართებოდნენ.
მოგვიანებით რუსეთმა ქერჩის სრუტე სამოქალაქო გემებისთვის ჩაკეტა.
