გიბრალტარის საკითხმა შესაძლოა ბრექსიტის მოლაპარაკებები შეაფერხოს და გაურკვეველი ვადით უკან დახიოს. უცხოურ მედიაში გავრცელებული ინფორმაციით დიდმა ბრიტანეთმა და ესპანეთმა გიბრალტარის საკითხთან დაკავშირებულ მოლაპარაკებებში კომპრომისს ვერ მიაღწიეს.
ამ ინფორმაციის გავრცელებამდე, ესპანეთის პრემიერ-მინისტრმა მოკრობლოგ ტვიტერის საშუალებით განაცხადა, რომ ის ესაუბრა ტერეზა მეის, თუმცა მათი გიბრალტართან დაკავშირებით საკმაოდ განსხვავებულია, რამაც შესაძლოა ესპანეთის მხრიდან ბრექსიტის შეთანხმების დაბლოკვა გამოიწვიოს.
გარდა ამისა, რამდენიმე დღის წინ, ესპანეთის პრემიერ-მინისტრმა პედრო სანჩესმა განაცხადა, რომ ესპანეთი მხარს არ დაუჭერს ბრექსიტის პროექტს თუ ტექსტში მკაფიოდ არ ჩამოყალიბდება საკითხი გიბრალტარის შესახებ. სანჩესის თქმით, გიბრალტარის საკითხი სამომავლოდ მადრიდსა და ლონდონს შორის განხილვის საგანი უნდა იყოს.
მიუხედავად იმისა, რომ მხარეებმა კონკრეტულ შეთანხმებას ვერ მიაღწიეს, 25 ნოემბერს ევროკავშირის სამიტი მაინც გაიმართება.
რა არ მოსწონს ესპანეთს ბრექსიტის ტექსტში?
ბრექსიტის პროექტის ტექსტის თანახმად, მას შემდეგ რაც ბრიტანეთი ოფიციალურად დატოვებს ევროკავშირს (2019 წლის 29 მარტი), მხარეები ეცდებიან დაუყოვნებლივ დაიწყონ მოლაპარაკებები სამომავლო ურთიერთობებთან დაკავშირებით და მიაღწიონ შეთანხმებებს.
ესპანეთის მიიჩნევს, რომ ტექსტის ეს ჩანაწერი ბუნდოვანია და სურს რომ ის არ გავრცელდეს გიბრალტარის საკითხზე. ესპანეთის მთავრობის მოთხოვნით, გიბრალტარი საკითხი მხოლოდ მადრიდსა და ლონდონს შორის მოლაპარაკების მაგიდაზე უნდა დაისვას.
ესპანეთს საპასუხოდ ევროკომისიის წარმომადგენელმა განაცხადა, რომ ევროკავშირი გიბრალტართან დაკავშირებით 2017 წლის აპრილის შეთანხმებით მოქმედებს, სადაც ხაზგასმით არის აღნიშნული, რომ ბრექსიტის შეთანხმების შემდეგ, ევროკავშირი და ბრიტანეთი არ განიხილავენ გიბრალტარის საკითხს, ესპანეთისა და დიდი ბრიტანეთის გარეშე.
ესპანეთი პრეტენზიას აცხადებს გიბრალტარზე, რომელიც 1713 წელს უტრეხტის ზავის მიხედვით ბრიტანეთის გვირგვინის ქვეშევრდომია.
შეგახსენებთ, რომ ინტენსიური მოლაპარაკების შედეგად, ბრექსიტთან დაკავშირებით ბრიტანეთმა და ევროკავშირმა ტექნიკურ დონეზე შეთანხმებას მიაღწიეს. დოკუმენტის გასაჯაროვების შემდეგ თანამდებობა ბრიტანეთის მთავრობის რამდენიმე წევრმა დატოვა.
ბრექსიტთან დაკავშირებით ევროკავშირის სამიტი 25 ნოემბერს გაიმართება, სადაც მხარეები ოფიციალურად გააფორმებენ შეთანხმების მიღწევას ბრიტანეთის ევროკავშირიდან გასვლის შესახებ.
იმისათვის, რომ ბრექსიტის შეთანხმება სრულად იქნეს მხარდაჭერილი, ამისთვის საჭიროა ბრიტანეთის პარლამენტისა და ევროკავშირის წევრი ქვეყნების თანხმობა.
დიდმა ბრიტანეთმა ევროკავშირი 2019 წლის 29 მარტს უნდა დატოვოს.
