საპარლამენტო უმრავლესობის წევრი ლევან კობერიძე პარლამენტიდან კანაფის წარმოება-კულტივაციასთან დაკავშირებით მომზადებული კანონპროექტის გაწვევას ითხოვს.
მისი თქმით, საარჩევნო პროცესმა ძალიან მკაფიოდ აჩვენა, რომ მოსახლეობის დიდმა ნაწილმა ბევრ საკითხზე ხელისუფლებას არა უთხრა.
„სამწუხაროდ, ეს იმ ხმებში აისახა, რომელიც წინა არჩევნებთან შედარებით, გაცილებით ნაკლები იყო. არას ერთ-ერთი მიზეზი კანაფის კულტივირების კანონპროექტი იყო. უფლება არ გვაქვს, ადეკვატური არ ვიყოთ. კანონპროექტი პარლამენტიდან უნდა იყოს გაწვეული”, – განაცხადა კობერიძემ.
