თემირლან მაჩალიკაშვილის მამამ, მალხაზ მაჩალიკაშვილმა თბილისის საქალაქო სასამართლოში დეტალურად ისაუბრა სპეცოპერაციის დღესა და მისი შვილის მკვლელობის ფაქტზე.
"მე მართალია ამ ყველაფრის გახსენება მომიწევს.
ჩემი ღირსებით და ოჯახით ამაყი ვიყავი. ჩემი მიზანი იყო მათ განათლება ქონოდათ და ორივეს დავამთავრებინე უმაღლესი. რადგან თემირლანს თვალების პრობლემები ჰქონდა 9 კლასიდან გამოვიყვანე და შევპირდი გავუკეთებდი ოპერაციას და დამპირდა სასწავლებლად წავიდოდა.
მე ამ პერიოდში ცოტა მიჭირდა ფინანსურად მაგრამ მაინც მოვიძიე გზები სამკურნალოდ.
ამის შემდეგ თემირლანმა სრულად დაინახა ყველაფერი მაგრამ სახელმწიფომ ერთი წელიც არ აცადა.
ჩემს ოჯახში სპეცრაზმს კი არა უბნის ინსპექტორსაც ვერ წარმოვოდგენდი.
26_ში გამთენიისას გასროლოს ხმა ისმის. გამოვედით გარეთ. ორსართულიანი სახლის მეორე სართულიდან გასროლის ხმა გავიგე. ვიგრძენი თემირლანის თავის ქალის გახვრეტის ხმა. მერე დავინახეთ სპეცრაზმელები. ის მიკვირს ასე შემოპარვით როგორ მოახერხეს შემოსვლა რომ ვერავინ გაიგო. შემდეგ მათ გამაკავეს. რის შემდეგაც დედაჩემის საძინებელში შეგვიყვანეს და არავინ მოგვცა უფლება გამოსვლის. მე ვეუბნებოდი რომ მათ მოსამართი შეეშალათ. პასუხს არავინ გვცემდა და ადგომის მცდელობის შემთხვევაში შეურაცხყოფას გვაყენებდნენ.
იმ ღამით დედაჩემს კრუნჩხვები დაემართა.
შემდეგ პროკურორის განჩინება მაჩვენეს. მაღლა რომ ავიხედე ყველაფერი გაჩხრეკილი იყო და არეული.
ბოლოს თემირლანის საძინებელში შემიყვანეს სადაც სისხლი შევნიშნე. საწოლის თავთან ნატყვიარი შევნიშნე. ჩემთვის შვილის მკვლელობა კი არა თითის მოტეხვაც საგანგაშოა.
რომ ვიკითხე აღელვებულად რა ხდება-მეთქი მითხრეს, რომ თემირლანი მკლავში დავჭერითო.
ძალიან პანიკასა და შოკში იყვნენ.
იესო ქრისტეს და ყველა ჩვენ წმინდანს ვფიცავართ, მკლავში დავჭერითო მითხრეს.
მე ჩემს შვილსა და ოჯახში დარწმუნებული ვარ და ვკითხე თუ სად გადაიყვანეს თუმცა არ მიპასუხეს. როგორც ჩანს მათივე მანქანით თემირლანის გადაყვანა ჯერ მატანში, შემდეგ თელავში მოხდა.
როგორც ყაჩაღები ისე გაიქცნენ ამის შემდეგ.
როგორც იქნა გავიგე და მივედით თელავში, სადაც ახლობელმა ექიმმა გვითხრა, რომ ერთი პაციენტი მოიყვანეს თავში ტყვიითო.
მე ახლაც მჯერა რომ თემირლანი ცოცხალია.
იმ დღიდან დღემდე გრძელდება _ იმ ამბავზე კი არ იკითხება ვინმე პირიქით თემირლანზე ინფორმაციის მოძიებას ცდილობენ. შეცდომას შეცდომაზე უშვებენ დანაშაულის გამოსწორების მიზნით.
ის ტელეფონები რომ იყიდა ქვითარი ჩემი ოჯახიდან არის წაღებული.
ისინი ცდილობდნენ თემირლანის დანაშაულში გაბმას. მკვლელობაზე მეტად ჩემი ოჯახისთვის ის უფრო მძიმეა რომ ის ტერორიზმში დაადანაშაულეს.
მე ამით ვარ ამაყი რომ არც ტერორისტებს და არც ნარკომანებს არ ვზრდი.
რომ შეატყეს რომ ყველა ფეხზე დადგა, სუს-მა გადაწყვიტა ყველაფერი დაემალა.
ამ ყველაფრის შემდეგ მე დამნაშავე პირების დასჯას ვითხოვდი. მე ჩემს ტრადიციებს და ყველაფერს ვუღალატე იმიტომ რომ საქართველოს სიყვარული მაქვს. თუმცა კაციშვილი ყურადღებას არ მაქცევს.
ყველაზე ცუდი კიდევ ის არის, თუ როგორ ცდილობენ ჩემს პროვოკაციაზე წამოგებას.
გუშინ ხეობიდან სახელმწიფოს თანამშრომელი ქისტი მირეკავს და მეუბნება შენ თუ ქისტი ხარ რატო დგახარ პარლამენტთან, აიღე სისხლიო.
როდესაც ასე არეკინებინებ პოლიციელს ეს არაადამიანობააა. მეუბნებიან, თუ ვაჟკაცი ხარ, მანდ რატო ტირიხარო", - განაცხადა მაჩალიკაშვილმა. სწორედ ამ სიტყვების შემდეგ ის შეუძლოდ გახდა.
