არ მინდა, ეს ყველაფერი ასეთ მუქ ფერებში დავინახო, მაგრამ გედევან ფოფხაძეს ვეთანხმები, – ამის შესახებ საპარლამენტო უმრავლესობის წევრმა დავით მათიკაშვილმა გედევან ფოფხაძის დღევანდელ განცხადებასთან დაკავშირებით აღნიშნა, რომელმაც თქვა, რომ გრიგოლ ვაშაძის გაპრეზიდენტება სამოქალაქო ომს გამოიწვევს.
მისი თქმით, საზოგადოებაში საპროტესტო მუხტი შესაძლებელია დაგროვდეს იმის გამო, რომ ქვეყანას პრეზიდენტად დანაშაულებრივი რეჟიმის წარმომადგენელი დაუბრუნდეს.
„არ მინდა, ეს ყველაფერი ასეთ მუქ ფერებში დავინახო, მაგრამ გედევან ფოფხაძეს ვეთანხმები, რომ საზოგადოებაში საპროტესტო მუხტი შესაძლებელია დაგროვდეს იმის გამო, რომ ქვეყანას პრეზიდენტად დანაშაულებრივი რეჟიმის წარმომადგენელი დაუბრუნდეს. საპროტესტო მუხტი შეიძლება აიწიოს. აუცილებელია, ყველა არჩევნებზე მივიდეს და სწორი გადაწყვეტილება მიიღოს. ქვეყანას აუცილებლად ევროპული ორიენტაციის პრეზიდენტი უნდა ჰყავდეს”, – განაცხადა მათიკაშვილმა.
