მუნიციპალური განვითარების ფონდის დირექტორმა კონსტანტინე მგელაძემ, კახეთის გუბერნატორმა გიორგი ღვინიაშვილმა და ყვარლის მუნიციპალიტეტის გამგებელმა ლევან გამსახურდიამ, ყვარელში, წყალსადენის და კანალიზაციის სისტემების, ასევე ქუჩების სარეაბილიტაციო სამუშაოები მოინახულეს.
როგორც კახეთის საინფორმაციო ცენტრს მუნიციპალური განვითარების ფონდში განუცხადეს, ფონდი ყვარელში 2 მილიონ 327 ათასი ლარის სამუშაოებს ახორციელებს.
ქალაქ ყვარლის წყალსადენის და კანალიზაციის სისტემების რეაბილიტაცია მიმდინარე წლის ივნისში დაიწყო და ნოემბერში უნდა დასრულდეს. პროექტის ფარგლებში მდინარე ბურსაზე და მდინარე დურუჯის მიმართულებით წყალმიმღები კამერები დამონტაჟდა თავისი გამწმენდი ნაგებობებით; ასევე აშენდა 2 სადგური წყლის გაუუვნებლობისათვის. მოეწყო 1540 მეტრის სიგრძის კანალიზაციის ახალი ქსელი. აღნიშნულ სამუშაოებზე 1,054.8 ათასი ლარი იხარჯება. რაც შეეხება ქალაქ ყვარელში ქუჩების რეაბილიტაციას, სამუშაოები დაიწყო მიმდინარე წლის ივლისში და დასრულდება 30 ნოემბერს. კონტრაქტის ღირებულებაა 1,273.3 ათასი ლარი. პროექტის ფარგლებში გათვალისწინებულია 8 ქუჩის რეაბილიტაცია. კუდიგორის, წერეთელის, ვაჟა ფშაველას, 9 მარტის, დუმბაძის, მატიკაშვილის, სააკაძის, რუსთაველის. სულ მთლიანად პროექტის ფარგლებში დაიგება 23.0 ათასი კვ. მეტრი ასფალტობეტონის საფარი.
მასალის გამოყენების პირობები