სოფელ ტირძნისიდან გატაცებული მოზარდების ფაქტს გაეროს ბავშვთა ფონდიც ეხმაურება.
ფონდის იმ უფლებებს განმარტავს, რაც მოზარდებს გააჩნიათ და მარიონეტულ რეჟიმს მისი დაცვისკენ მოუწოდებს.
"გაეროს ბავშვთა უფლებათა კონვენციის გათვალისწინებით, არასრულწლოვნების დაკავება უნდა იყოს უკიდურესი ზომა, თუმცა
ასეთ შემთხვევაში მოზარდებს აუცილებლად უნდა ჰქონდეს მშობლებთან კავშირი და ისინი აუცილებლად უნდა იყვნენ ინფორმირებულნი საქმის ირგვლივ არსებულ ყველა დეტალზე. ასევე სასამართლოს მიერ გადაწყვეტილება უნდა იყოს უმოკლეს ვადებში გამოტანილი. ბავშვების მიმართ აუცილებელია ჰუმანური მოპყრობა და ისინი აუცილებლად უნდა იყვნენ დაშორებულები სრულწლოვანი პატიმრებისგან", - მოზარდების უფლებები ჟურნალისტებს საქართველოში გაეროს ბავშვთა ფონდის ხელმძღვანელის მოადგილემ განუმარტა.
მისივე განმარტებით, რადგან მისიას ცხინვალში შესვლის საშუალება არ აქვს, არ ფლობს ზუსტ ინფორმაციას, რამდენად არის დაცული ბავშვების აღნიშნული უფლებები.