ამ წუთებში სასამართლოს სამხარაულის ექსპერტიზის ეროვნული ბიუროს ექსპერტ-კრიმინალისტი აძლევს ჩვენებას. მან დანაშაულის ჩადენის იარაღზე - დანაზე ჩაატარა ექსპერტიზა. აღნიშნულ ექსპერტიზას მთავარ კითხვაზე უნდა გაეცა პასუხი: გარდაცვლილ ანა ნაცვლიშვილის სხეულზე მიყენებული დაზიანებები იყო, თუ არა აღნიშნული დანით მიყენებული.
ექსპერტის ჩვენებით, ნაცვლიშვილისთვის 14 ჭრილობა, რომელიც მიზეზობრივ კავშირშია სიკვდილთან, გამორიცხული არ არის ექსპერტიზაზე წარმოდგენილი დანით, ან მსგავსი პარამეტრების, ან თვისებების მქონე საგნით იყოს მიყენებული. ექსპერტმა ჩვენებაშივე განმარტა, თუ რატომ არ არის ექსპერტიზა კატეგორიული. როგორც მან აღნიშნა, სხვა შემთხვევაშიც, როცა დადასტურებულად დადგენილია მკვლელობის იარაღი, ექსპერტიზის დასკვნა კატეგორიული არ არის.
ექსპერტის თქმითვე, გარდაცვლილისთვის მიყენებული 33 ჭრილობა 3 სახისაა: დაჟეჟილი, ნაკვეთ-ნაჩხვლეტი.
სასმართლოში გამოიკითხა ასევე გამომძიებელი, ანზორ ჟამერაშვილი. სწორედ მან ჩაატარა ბრალდებულის ავტოფარეხის ჩხრეკა. მისი განმარტებით, ავტოფარეხში ონკანზე სპეციალური სითხის ნათებით სისხლის ლაქები აღმოჩნდა, ჩხრეკისას ამოღებულ ნივთებზე კი, გარდაცვლილის დნმ ამოვიდა.
ცნობისთვის, 20 წლის ანა ნაცვლიშვილის მკვლელობის საქმეზე მოკლულის შეყვარებული, ლადო გრიგალაშვილი დააკავეს, ის ჩადენილ დანაშაულს არ აღიარებს.
