თბილისის საქალაქო სასამართლომ „ნაციონალური მოძრაობის“ პოლიტსაბჭოს თავმჯდომარე ნიკა მელიას 11 ივნისის საქმეზე 3 000 ლარიანი ჯარიმა დააკისრა.
დღევანდელ პროცესზე ის პოლიციელები დაიკითხნენ, რომლებმაც მელია რუსთაველის გამზირზე დააკავეს.
ნიკა მელია თავს დამნაშავედ არ ცნობს და ამბობს, რომ მისი დაკავება უკანონოდ მოხდა და ეს პოლიტიკური გადაწყვეტილება იყო. მისივე თქმით, საქალაქო სასამართლოს გადაწყვეტილება აუცილებლად გასაჩივრდება.
ცნობისთვის, ნიკა მელიას სამართალდამცველთა მოთხოვნისადმი დაუმორჩილებლობას ედავებიან.
