"ეროვნული ერთობის" ლიდერის გიორგი ჭელიძის ადვოკატები ბრალდებულის სასამართლო დარბაზიდან გათავისუფლებას ითხოვენ. მათი განცხადებით, ჭელიძე აღკვეთის ღონისძიების გარეშე უნდა დარჩეს, ალტერნატივის სახით კი სასამართლოს 1000-ლარიანი გირაო შესთავაზეს.
დაცვის მხარე აცხადებს, რომ გიორგი ჭელიძეს იარაღის შენახვის უფლება გააჩნია და შესაბამისად, მის მიმართ სისხლის სამართლებრივი დევნა არ უნდა დაწყებულიყო.
ცნობისთვის, "ეროვნული ერთობის" ლიდერს, გიორგი ჭელიძეს პროკურატურა სისხლის სამართლის კოდექსის 236-ე მუხლის მე-3 ნაწილით გათვალისწინებულ სამართალდარღვევას - ცეცხლსასროლი და საბრძოლო მასალის უკანონოდ შეძენა-შენახვა ედავება, რაც 3-დან 6 წლამდე ვადით თავისუფლების აღკვეთას ითვალისწინებს.
