ყოფილი პროკურორის, გივი შენგელიასთვის აღკვეთის ღონისძიების შეფარდების საკითხზე თბილისის სასამართლოში შესაძლოა, დღეს იმსჯელონ.
შესაბამის შუამდგომლობას პროკურატურა სასამართლოში სავარაუდოდ დღის მეორე ნახევარში შეიტანს. ამ ეტაპზე უცნობია, მოითხოვს თუ არა სახელმწიფო ბრალდება ყოფილი პროკურორისთვის მკაცრი აღკვეთის ღონისძიების შეფარდებას.
ცნობისთვის, შემთხვევა წყალტუბოში 24 აგვისტოს შანიძის ქუჩაზე მოხდა. ინციდენტისას პროკურორმა, ცეცხლსასროლი იარაღიდან რამდენჯერმე უმისამართოდ გაისროლა. გავრცელებული ცნობით, გასროლამდე პროკურორი სამხედრო მეთაურს ფიზიკურადაც გაუსწორდა.
