ხორავას ქუჩაზე მომხდარი მკვლელობის საქმეზე ცრუ ჩვენების მიცემის ბრალდებით დაკავებული არასრულწლოვნი, დ.ღ. თბილისის საქალაქო სასამართლომ პატიმრობაში დატოვა. მოსამართლემ სახელმწიფო ბრალდების მტკიცებულებები სრულად გაიზიარა.
დღეს წინასასამართლო სხდომა გაიმართა და ბრალდების მხარის დამატებითი მტკიცებულებების დასაშვებობის საკითხზე იმსჯელეს.
ხორავას ქუჩაზე მოზარდების მკვლელობის საქმეზე დ.ღ. 19 ივლისს დააკავეს. გამოძიებით დადგინდა, რომ არასრულწლოვანმა, რომელიც უშუალოდ შეესწრო განსაკუთრებით მძიმე დანაშაულის ჩადენის ფაქტს, განზრახ არასწორი ინფორმაცია მიაწოდა სასამართლოს და მისცა ცრუ ჩვენება.
არსებული ინფორმაციით, დ.ღ. მე-11 კლასის მოსწავლეა და ეს სწორედ ის პირია, რომელმაც სკოლის საპირფარეშოში კონფლიქტი დაიწყო.
