შავი ზღვის საერთაშორისო უნივერსიტეტის (IBSU) სტუდენტები მთავრობის ადმინისტრაციასთან აქციას მართავენ.
ისინი ავტორიზაციის საბჭოს გადაწყვეტილებას აპროტესტებენ, რომლის მიხედვითაც უნივერსიტეტს ფინანსური დავალიანებების გამო სტუდენტების მიღება ერთი წლის ვადით შეუჩერდა.
აქციის მონაწილეების თქმით, მათი მთავარი მიზანი რჩება უცვლელი, რომ ცენტრმა შეცვალოს თავისი გადაწყვეტილება და არსებული პროცესი შეაჩეროს.
მათივე თქმით, ამ დრომდე ცენტრმა ფაქტობრივად უგულვებელყო გადახდილი დავალიანება და მოთხოვნა, რომ ერთ-ერთ საუკეთესო უნივერსიტეტს არ შეეზღუდოს უფლება, მიიღოს აბიტურიენტები.
განათლების ხარისხის განვითარების ცენტრის ინფორმაციით, შავი ზღვის უნივერსიტეტს სტუდენტების მიღების უფლება შეუსრულებელი ფინანსური დავალიანებებისა და დაყადაღებული უძრავი და მოძრავი ქონების გამო ერთი წლით შეეზღუდა.
ფოტო: საზოგადოებრივი მაუწყებელი
