ბორჯომში, 46 წლის მამაკაცს ჯერ მსუბუქი ავტომობილი, შემდეგ კი, ტრაილერი დაეჯახა. ის ადგილზევე დაიღუპა.
შინაგან საქმეთა სამინისტროს ცნობით, მძღოლის დასაკავებლად ინტენსიური საგამოძიებო მოქმედებები მიმდინარეობს.
გამოძიება სისხლის სამართლის კოდექსის 276-ე მუხლის მეხუთე ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც გამოიწვია ადამიანის სიცოცხლის მოსპობა.
