გორში, სოფელ კარალეთთან ავტოსაგზაო შემთხვევა მოხდა, რის შედეგადაც, ორი ადამიანი დაიღუპა, ერთი კი, დაშავდა. ის კლინიკა "გორიმედშია" გადაყვანილი.
არსებული ინფორმაციით, „მერსედესის“ მარკის ავტომობილი გზის სავალი ნაწილიდან გადავიდა და ამობრუნდა.
შემთხვევის შედეგად, ერთი ადამიანი ადგილზე დაიღუპა, ხოლო მეორე საავადმყოფოში მიყვანამდე.
შინაგან საქმეთა სამინისტროს ინფორმაციით, მომხდარზე გამოძიება სისხლის სამართლის კოდექსის 276-ე მუხლის მე-5 ნაწილით მიმდინარეობს, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც გამოიწვია ადამიანის სიცოცხლის მოსპობა.
