თბილისის საქალაქო სასამართლოში, ხორავას ქუჩაზე მომხდარი მკვლელობის საქმეზე დანაშაულის დაფარვის ბრალდებით დაკავებული პირების პროცესი დასრულდა.
როგორც დღევანდელი სხდომის დასრულების შემდეგ საქმის პროკურორმა გიორგი ქობულაძე განაცხადა, სასამართლო სხდომაზე ბრალდების მხარის მტკიცებულებები გამოიკვლიეს, სადაც 6 პირი მოწმის სახით დაიკითხა. მათ შორის იყვნენ ის გამომძიებლები, რომლებმაც მათ მიერ ჩატარებული საგამოძიებო მოქმედებების შესახებ ისაუბრეს.
ცნობისთვის, ხორავას ქუჩაზე, მოზარდების მკვლელობის საქმეზე, პროკურატურამ დანაშაულის შეუტყობინებლობის ბრალდებით პასუხისგებაში 5 პირი მისცა, რომელთა შორის ორი მოსწავლის მშობელი და შსს-ს ყოფილი თანამშრომელია. პასუხისგებაში მიცემული პირებიდან სამართალდამცველებმა მხოლოდ სამი დააკავეს, ვინაიდან 5 პირიდან ორზე არასრულწლოვანთა მართლმსაჯულების კოდექსი ვრცელდება.
