შიდსით გარდაცვლილთა მსოფლიო დღე (The International AIDS Candlelight Memorial) 1983 წლიდან აღინიშნება. მას ყოველწლიურად მაისის მესამე კვირა დღეს მსოფლიოს 115 ქვეყანაში 1200 სათემო ორგანიზაცია უერთდება. ის აივ/შიდსის შესახებ ცნობიერების ამაღლების ყველაზე დიდი კამპანიაა რომელსაც კოორდინაციას საერთაშორისო ორგანიზაცია „აივ დადებითი ადამიანების მსოფლიო ქსელი“ უწევს.
ასოციაცია ბროწეული 2018 წელს დაარსდა და აერთიანებს აივ დადებით ადამიანებს მათი ოჯახის წევრებს, რისკ ჯგუფების წარმომადგენლებსა და პროფესიული წრეების წარმომადგენლებს. ბროწეული წელს პირველად უერთდება შიდსით გარდაცვლილთა ხსოვნის დღის კამპანიას და ორგანიზებას უწევს ღონისძიებას - შიდსით გარდაცვლილთა ხსოვნის დღე
ღონისძიება გაიმართება 20 მაისს 19:00 მზიურის პარკში სოციალურ კაფე - ახალი მზიური ში
შიდსით გარდაცვლილთა ხსოვნის დღის აღნიშვნა მიმართულია აივ/შიდსთან დაკავშირებით საზოგადოებაში ცნობიერების ამაღლებასა და მიმღებლობის გაზრდაზე, რაც მსოფლიოში მცხოვრები 36.7 მილიონი აივ დადებითი ადამიანის პირობებში მოქმედებს, როგორც გლობალური სოლიდარობისა და სტიგმა დისკრიმინაციასთან ბრძოლის მნიშვნელოვანი ინტერვენცია.
წლევანდელი კამპანიის გზავნილია: „გამოცდილებაზე დაყრდნობით ვგეგმავთ ჩვენს მომავალს“
საქართველოში აივ/შიდსით ინფიცირების 6942 შემთხვევაა ოფიციალურად დაფიქსირებული. მათგან შიდსი უკვე 3761 ადამიანს განუვითარდა. 1424 ადამიანი საქართველოში შიდსით გარდაიცვალა
ღონისძიებაზე მოხდება ასოციაციის სამომავლო გეგმებისა და მიზნების გაცნობა. პატივს მივაგებთ შიდსით გარდაცვლილი ადამიანების ხსოვნას გაიმართება დევიდ ფლენსის დოკუმენური ფილმის: როგორ გადარჩე ეპიდემიის დროს ჩვენება.
