„მაინტერესებდა, რატომ გახდა საჭირო, რომ უშუალოდ კლუბში განხორციელებულიყო სპეცოპერაცია იმ დროს, როცა იქ ადამიანები იმყოფებოდნენ. ასევე ვესაუბრე იმ განცხადებებზე, რომელსაც აკეთებენ მოქალაქეები, რომ ძალის გადამეტებას ჰქონდა ადგილი. ჩემი ინტერესის საგანს წარმოადგენდა ასევე დაკავებულების ადგილსამყოფელის დადგენა. ამ ეტაპზე მივიღე ზეპირი განმარტებები. მათი განცხადებით, სპეცოპერაცია დაიგეგმა სასამართლოს განჩინებით. მათი ინფორმაციით, ჰქონდათ მასალები, მათ შორის ვიდეომასალები, რომ კლუბის ტერიტორიაზე საღდებოდა ნარკოტიკი. ისინი ამით ასაბუთებენ კლუბის ტერიტორიაზე შესვლას. აცხადებენ, რომ ყველა პოლიციელი აღჭურვილი იყო ვიდეოკამერით, შესაბამისად, მე მივმართავ ყველა ადამიანს, რომელიც აცხადებს, რომ მის მიმართ იყო არასათანადო მოპყრობა, ძალის გადამეტება, რა თქმა უნდა ჩვენ ყველა საქმეს შევისწავლით და მივიღეთ დაპირება, რომ ვიდეომასალის ხელმისაწვდომობა უზრუნველყოფილი იქნება. ჩვენი წარმომადგენლები ყველა ლოკაციაზე იმყოფებიან და მნიშვნელოვანია, რომ მშვიდობიანი გამოხატვა იყოს უზრუნველყოფილი პოლიციელთა მხრიდან“, - განაცხადა ლომჯარიამ.

მისივე განცხადებით, შსს-ს პოზიციაა ის, რომ ეს ადამიანები აყვანილი იქნენ კლუბის გარეთ, თუმცა მისივე თქმით, მათ ჰქონდათ ინფორმაცია შიგნითაც ნარკოტიკების შესახებ და შესაბამისად, კლუბში შესვლაც ამ ნარკოტიკების ამოღებას უკავშირდებოდა.

ცნობისთცის, გვიან ღამით კლუბ „ბასიანსა“ და კეფე „გალერიში“ სპეცოპერაცია ჩატარდა. შსს-ს ინფორმაციით, „ბასიანსა“ და „გალერიში“ დაკავებულია ნარკოტიკული საშუალების გამსაღებელი 8 პირი.