ბიძინა ივანიშვილი აღმასრულებელ ხელისუფლებაში სხვა პოლიტიკურ თანამდებობას არ დაიკავებს, - ამის შესახებ ფრაქცია „ქართული ოცნების" თავმჯდომარე მამუკა მდინარაძემ განაცხადა.
მისი თქმით, პოლიტიკაში დაბრუნების თაობაზე ივანიშვილის გადაწყვეტილება პარტიას გააძლიერებს.
"ივანიშვილის გადაწყვეტილება გააძლიერებს პარტიას. პარტიის ხელმძღვანელობა ნიშნავს უდიდეს პასუხისმგებლობას და მისი დაბრუნება ნიშნავს პარტიის გაძლიერებას. ეს კი, ქვეყნის მომავალზე აისახება პოზიტიურად", - განაცხადა მდინარაძე.
რაც შეეხება მოქმედ პრემიერს, მას მიაჩნია, რომ პრემიერს დამატებითი ფუნქციები იმასთან დაკავშირებით, რომ მაინც და მაინც პარტიაში ეკავოს რაიმე უმაღლესი პოლიტიკური თანამდებობა, აღარ სჭირდება.
"მოქმედი პრემიერი, რომელსაც უდიდესი პასუხისმგებლობა აქვს, იქნება პილიტსაბჭოს წევრი. ეს ადამიანი ძალიან პოზიტიური ადამიანია, თავისი საქმის კარგად მცოდნე. ვფიქრობ, პრემიერს დამატებითი ფუნქციები იმასთან დაკავშირებით, რომ მაინც და მაინც პარტიაში ეკავოს რაიმე უმაღლესი პოლიტიკური თანამდებობა, აღარ სჭირდება. მას აბარია ქვეყანა და აქვს უდიდედი პასუხიმგებლობა ქვეყნის წინაშე, რასაც კარგად ართმევს თავს", - აღნიშნა მდინარაძემ.
