ხორავას ქუჩაზე მოზარდებს შორის სისხლიანი დაპირისპირებისას მოკლული დავით სარალიძის მამა, ზაზა სარალძე დღეს, 16:00 საათზე სახალხო დამცველთან მივიდა.
„შეხვედრა მაქვს სახალხო დამცველთან რიგ თემებზე სასაუბროდ. ამასთანავე, მივმართავ სახალხო დამცველის აპარატს, რათა დაინტერესდეს ზვიად კუპრავას დაკავებასთან დაკავშირებით. ღამის 2 საათზე დააკავეს და არ მისცეს უფლება დაკავშირებოდა ადვოკატსა და ოჯახის წევრებს.არავინ არ იცოდა მთელი ღამის განმავლობაში სად იმყოფებოდა და რა ვითარებაში“, - აცხადებს სარალიძე.
