დებატების შეთავაზება იაფფასიანი პოლიტიკური პიარია, - ასე გამოეხმაურა "ევროპული საქართველოს" პოლიტსაბჭოს თავმჯდომარე გიგა ბოკერიას უმრავლესობის ინიციატივას, გაიმართოს სატელევიზიო დებატები პრეზიდენტთან.
ბოკერიას თქმით, უმრავლესობის წევრებს შეეძლოთ საღი აზრის ფარგლებში ცვლილებები მიეღოთ და და დაეთმოთ პრეზიდენტისთვის, მაგრამ გამოიჩინეს რაღაც პოლიტიკური ღირსება, რაც სხვა დროს ავიწყდებათ ხოლმე.
„ეს "ქართული ოცნების" მხრიდან იაფფასიანი პიარის მცდელობაა. დებატის წინააღმდეგები არ ვართ, მივიღებთ მონაწილეობას, მაგრამ ეს გუშინდელ ვითომ „პრინციპულობას“ ვერ გაამართლებს. მათ შეეძლოთ საღი აზრის ფარგლებში ცვლილებები მიეღოთ და და დაეთმოთ პრეზიდენტისთვის, მაგრამ გამოიჩინეს რაღაც პოლიტიკური ღირსება, რაც სხვა დროს ავიწყდებათ ხოლმე. პრინციპულობაა საჭირო როცა მინისტრეი რეგლამენტს არღვევენ და პარლამენტს შეურაცხყოფას აყენებენ. ამას უმრავლესობაში ითმენენ და სრულ უთავმოყვარეობას ავლენენ“,- განაცხადა გიგა ბოკერიამ.