26 მაისს დავინახავთ რა ძლიერი მხარდაჭერა აქვს საქართველოს დასავლეთიდან, - ამის შესახებ საქართველოს პრეზიდენტმა გიორგი მარგველაშვილმა პარლამენტის წინაშე ანგარიშით გამოსვლისას განაცხადა.
მისი თქმით, ევროინტეგრაცია შთამბეჭდავ შედეგებს გვაჩვენებს.
"მინდა დავიწყო საგარეო პოლიტიკური კურსით და ვითარებით,
ევროინტეგრაცია შთამბეჭდავ შედეგებს გვაჩვენებს - ეს არის ასოცირება, ეს არის თავისუფალი ვაჭრობა, უვიზო რეჟიმი, სულ ბოლოს მიღწეული დიალოგი, ჩვენ ევროპელი პარტნიორების მხარდაჭერას სულ მალე 26 მაისს დავინახავთ, რა ძლიერი მხარდაჭერა აქვს საქართველოს დასავლეთიდან", - განაცხადა პრეზიდენტმა.
მისივე თქმით, 2012 წელს მთელი ქართული საზოგადოების მიღწევა იყო ის, რომ ხელისუფლება მშვიდობიანი გზით შეიცვალა.
„ეს იყო საქართველოსთვის წინ გადადგმული ნაბიჯი, ხელისუფლებს მშვიდობიანი შეცვლა გახლდათ ის მნიშვნელოვანი ნაბიჯი, რომელმაც ჩვენი ქვეყანა თვისობრივად წინ წასწია, მახსენდება 2013 წელი, როცა ერთად ვმოღვაწეობდით საქართველოს მთავრობაში", - აღნიშნა პრეზიდენტმა პარლამენტში გამოსვლისას.
