ვისაც გუნდი არ მოსწონს, შეუთავსებლობა და შეუთანხმებლობა აქვს, რა საკვირველია, წასვლა თავისუფალია, - ამის შესახებ პარლამენტის ვიცე-სპიკერმა გია ვოლსკიმ მმართველ გუნდში არსებულ დაპირისპირებასთან დაკავშირებით განაცხადა.
მისი თქმით, გუნდში იმდენად დაძაბული სიტუაცია არ არის, როგორც ეს ერთი შეხედვით ჩანს, მაგრამ მუშაობაა საჭირო
“თუ თამაშის წესების შეთანხმება პროცესებს ხელს შეუწყობს, ამას მხარს დავუჭერ. შეიძლება, ამას ქცევის კოდექსი დავარქვათ. კერძოდ, გარკვეული შეთანხმება ურთიერთობის ნორმების დაცვაზე. ეს კარგი თემაა და იმ მიღწევიდან უკან არ უნდა დავიხიოთ, რასაც საზოგადოების სხვადასხვა აზრების გაცნობა ჰქვია. რაღაც საერთო წესები უნდა იყოს, რამაც გუნდი არ უნდა დააზიანოს, რადგან ეს ქვეყნისთვის კარგი არ არის, ქვეყანას სტრესები არ აკლია. იმდენად დაძაბული სიტუაცია არ არის, როგორც ეს ერთი შეხედვით ჩანს, მაგრამ მუშაობაა საჭირო”, – ამბობს ვოლსკი.
მისივე თქმით, ადამიანები, რომლებიც კრიტიკას გამოთქვამენ ან პრემიერის ან პარლამენტის თავმჯდომარის მიმართ, უცებ, იმ წუთშივე მოიაზრებიან, როგორც რომელიმე გუნდის წევრები, თუმცა ერთიანობა ისაა, რაც დეკლარირებულია.