შვეიცარია-იტალიის საზღვარზე, მატერჰორნის მწვერვალზე გერმანელი ბიზნესმენი კარლ-ერივან ჰაუბი გაუჩინარდა. იუწყება იტალიური სააგენტო "ANSA".

მის შესახებ შაბათის მერე არაფერია ცნობილი. არ გამოცხადდა დათქმულ შეხვედრაზე შვეიცარიის სოფელ ცერმატში. მისი სატელეფონო ზარიც ბოლოს შაბათს დაფიქსირდა.

ის სასტუმრო „ცერმატში“ ისვენებდა. შაბათს დილით დაახლოებით 08:30 საათზე ჩაჯდა ფუნიკულორზე და მატერჰორნის მწვერვალისკენ დაიძრა, საიდანაც დაშვება რამდენიმე გზითაა შესაძლებელი, რაც ძებნის არეალს ზრდის. აღნიშნავს სააგენტო.

მას თან ჰქონდა სათხილამურო აღჭურვილობა. მაშველების თქმით, ბიზნესმენი სათხილამურო-ალპინიზმის კონკურსისთვის ემზადებოდა, რომელიც 17-21 აპრილს გაიმართება.

ბიზნესმენის ოჯახმა გამოთქვა მზადყოფნა აანაზღაურონ ძებნის საფასური, რომელიც შენელდა ამინდის გაუარესების გამო.

მისი ძმა აცხადებს, რომ იგი „გამოცდილი მოთხილამურე და ალპინისტია, ამიტომ ამინდის მიუხედავად ჩვენ არ ვკარგავთ მისი პოვნის იმედს“.

ჰაუბი არის ჰოლდინგ "Tengelmann Group"-ის გენერალური დირექტორი, რომელიც მოიცავს სამშენებლო მაღაზიების ქსელს და "OBI" -ს საყოფაცხოვრებო საქონელს.