ძალიან კარგია, რომ საჯარო რეესტრის თავმჯდომარემ თანამდებობა დატოვა, მაგრამ მას უნდა მიყვეს იუსტიციის მინისტრიც, იმიტომ რომ როგორც დადასტურდა, წულუკიანი მალავდა ამ ამბავს, - ამის შესახებ იუსტიციის მინისტრის ყოფილმა მოადგილე დავით ჯანდიერმა განაცხადა.
მისი თქმით, თუკი რეაგირება სწრაფი არ იქნა, ყოველთვის წამოაძახებენ "ქართულ ოცნებას", რომ იგი ეგუება მინისტრს, რომელიც მფარველობდა სექსუალურ შევიწროებაში სახალხო დამცველის მიერ მხილებულ, მის დაქვემდებარებაში მყოფ თანამდებობის პირს მას შემდეგაც, რაც ამის შესახებ გახდა ცნობილი.
"ძალიან კარგია, რომ საჯარო რეესტრის თავმჯდომარემ თანამდებობა დატოვა, მაგრამ მას უნდა მიყვეს იუსტიციის მინისტრიც, იმიტომ რომ როგორც დადასტურდა, წულუკიანი მალავდა ამ ამბავს. თუკი რეაგირება სწრაფი არ იქნა, ყოველთვის წამოაძახებენ "ქართულ ოცნებას", რომ იგი ეგუება მინისტრს, რომელიც მფარველობდა სექსუალურ შევიწროებაში სახალხო დამცველის მიერ მხილებულ მის დაქვემდებარებაში მყოფ თანამდებობის პირს მას შემდეგაც, რაც ამის შესახებ გახდა ცნობილი. არ შეიძლება ქვეყნის იუსტიციის მინისტრს მუდმივად წლების მანძილზე ამხელდნენ ადამიანის შრომითი უფლებების უხეშ დარღევაში და ის კვლავ რჩებოდეს თანამდებობაზე. ამიტომ დროა, დაგვიანებული მაგრამ სათანადო რეაგირება მოახდინოს მმართველმა პარტიამ", - განაცხადა ჯანდიერმა.
ცნობისთვის, სექსუალურ შევიწროებაში დადანაშაულებულმა პაპუნა უგრეხელიძემ თანამდებობა დატოვა.
