მე კარგად ვიცი, რა ხილია სავჩენკო, მაგრამ უკრაინის ხელისუფლებას ძალიან ეშინია არჩევნების, - ამის შესახებ ოდესის ყოფილმა გუბერნატორმა მიხეილ სააკაშვილმა უკრაინის გენერალური პროკურორის, იური ლუცენკოს მიერ ნადეჟდა სავჩენკოს მიმართ წაყენებულ ბრალდებებთან დაკავშირებით განაცხადა.
მისი თქმით, უკრაინაში ამ მარაზმს მალე დაასრულებენ, ყოველგვარი ძალადობის, სროლისა და ბომბების გარეშე.
„მე კარგად ვიცი, რა ხილია სავჩენკო, მაგრამ უკრაინის ხელისუფლებას ძალიან ეშინია არჩევნების. რაღაც მკარნახობს, რომ მათი საქმე ძალიან ცუდადაა, ვინაიდან ლუცენკო ასევე დაჟინებით ამტკიცებდა, რომ მე კურჩენკოს ფულით უკრაინის პარლამენტის აღებას ვაპირებდი. ასე ხდება, როდესაც ხელისუფლებაში სრული თაღლითები მოდიან", - აღნიშნავს საქართველოს ყოფილი პრეზიდენტი.