ესპანეთის თავდაცვის მინისტრი, მარია დოლორეს დე კოსპედალი ამტკიცებს, რომ რუსეთი ევროკავშირის დესტაბილიზაციას ცდილობს. მის ამ განცხადებას სააგენტო „Agencia Efe“ ავრცელებს.
სააგენტოს ცნობით, ვალენსიაში დეპარტამენტის ხელმძღვანელი შეხვდა ევროპული სახალხო პარტიის პარლამენტარებს. რამდენიმე დეპუტატი დაინტერესდა მინისტრის შეხედულებით თითქოს რუსეთი ჩარეულია კატალონიურ კრიზისში. როგორც სააგენტო ციტირებს, მინისტრმა განაცხადა, რომ „ეს აღმოსავლური ქვეყანა (მხედველობაში ქონდა რუსეთი) ცდილობს ევროკავშირის დესტაბილიზაციას".
ესპანეთის თავდაცვის მინისტრს სურს გამოაცხადოს ბრძოლა „დემაგოგიის და პოპულიზმის“ წინააღმდეგ. "ჩვენ გვაკისრია პასუხისმგებლობა დავიცვათ ის, რაც შევძელით ერთად აგვეშენებინა“ - დასძინა მან.
როგორც მანამდე რუსეთის საგარეო საქმეთა მინისტრმა, სერგეი ლავროვმა განაცხადა - "პარტნიორებს ამერიკასა და ევროპაში როგორც ჩანს მეტი საქმე არ აქვთ გარდა იმისა რომ რუსეთი დაადანაშაულონ. შესაძლოა ეს იმით აიხსნას, რომ ის ქალაქები საიდანაც მსგავსი განცხადებები კეთდება: მადრიდი, ლონდონი, როგორც წესი სავსეა გადაუჭრელი შიდა პრობლემებით და ასეთ ისეტერიკას იმის გამო აწყობენ, რომ არიან უუნაროები თავიანთი შიდა პრობლემის წინაშე და ყურადღების გადატანა სურთ" - აღნიშნა ლავროვმა.
