ბაღდათის მუნიციპალიტეტის მერის არჩილ გოგსაძის დეკლარირებულმა გასავალმა (სესხი და შვილების სწავლის გადასახადი) 58 867 ლარი შეადგინა, რაც მისსავე დეკლარირებულ შემოსავალზე (52 882.78 ლარი), დაახლოებით, 5 984 ლარით მეტია, - ამის შესახებ „საერთაშორისო გამჭვირვალობა - საქართველოს" კვლევაშია აღნიშნული.

მათი ინფორმაციით, ბაღდათის მუნიციპალიტეტის მერმა არჩილ გოგსაძემ 2016-2017 წლებში 45 000 ლარის ოდენობის ფულადი საჩუქარი მიიღო. 2016 წელს 20 000 ლარი მას ძმამ და დეიდაშვილმა აჩუქეს, ხოლო 2017 წელს 25 000 ლარის საჩუქარი ძმისგან მიიღო.

„საერთაშორისო გამჭვირვალობა - საქართველოს" ინფორმაციით, 2018 წელს შევსებული ქონებრივი დეკლარაციის მიხედვით, არჩილ გოგსაძე ორ კომპანიაშია 50 %-იანი წლის მფლობელი, ხოლო ერთ-ერთში დირექტორის პოზიცია უკავია. თუმცა, მისივე ცნობით, კომპანიებს საქმიანობა ამ დროისთვის შეჩერებული აქვს. მიუხედავად ამისა, საჯარო რეესტრის ამონაწერის თანახმად, შპს „აგუნა" მოქმედი კომპანიაა, და სწორედ მასშია რეგისტრირებული დირექტორად არჩილ გოგსაძე, რაც „საჯარო დაწესებულებაში ინტერესთა შეუთავსებლობისა და კორუფციის შესახებ" კანონს ეწინააღმდეგება.

"არჩილ გოგსაძე "საჯარო დაწესებულებაში ინტერესთა შეუთავსებლობისა და კორუფციის შესახებ" კანონს არღვევს, ვინაიდან მას საჯარო რეესტრის მონაცემებით "აქტიური" სტატუსის მქონე საწარმოში დირექტორის პოსტი უკავია. ამავე დროს, მისი ოჯახის დეკლარირებული გასავალი მნიშვნელოვნად აღემატება მათ შემოსავალს, რაც საჯარო სამსახურის ბიუროსთვის ქონებრივი დეკლარაციის გადამოწმების საფუძველი უნდა გახდეს.

ბაღდათის მუნიციპალიტეტის მერმა არჩილ გოგსაძემ 2016-2017 წლებში 45 000 ლარის ოდნების ფულადი საჩუქარი მიიღო. 2016 წელს 20 000 ლარი მას ძმამ და დეიდაშვილმა აჩუქეს, ხოლო 2017 წელს 25 000 ლარის საჩუქარი ძმისგან მიიღო.

2018 წელს შევსებული ქონებრივი დეკლარაციის მიხედვით, არჩილ გოგსაძე ორ კომპანიაშია 50 %-იანი წლის მფლობელი, ხოლო ერთ-ერთში დირექტორის პოზიცია უკავია. თუმცა, მისივე ცნობით, კომპანიებს საქმიანობა ამ დროისთვის შეჩერებული აქვს. მიუხედავად ამისა, საჯარო რეესტრის ამონაწერის თანახმად, შპს „აგუნა" მოქმედი კომპანიაა, და სწორედ მასშია რეგისტრირებული დირექტორად არჩილ გოგსაძე, რაც „საჯარო დაწესებულებაში ინტერესთა შეუთავსებლობისა და კორუფციის შესახებ" კანონს ეწინააღმდეგება. ამავდროულად, მისი ბიზნესპარტნიორი ლევან გოგსაძეა. საყურადღებოა, რომ ლევან გოგსაძეს 2016 წელს „ქართული ოცნებისთვის" 37 950 ლარი აქვს შეწირული.

რაც შეეხება დეკლარაციაში მითითებულ მეორე კომპანიას, შპს „გრანდს", რეესტრში უკანასკნელი ამონაწერი 2017 წლის 11 მაისში ფიქსირდება, რომლის მიხედვითაც არჩილ გოგსაძე კომპანიის მოქმედი მეწილეა.

ასევე აღსანიშნავია, რომ ბაღდათის მერის მიერ შევსებული დეკლარაციის მიხედვით, მისი ოჯახის გასავალი მნიშვნელოვნად აღემატება შემოსავალს.

დეკლარაციის მიხედვით, არჩილ გოგსაძემ იპოთეკური სესხის პროცენტი 17 420 აშშ დოლარი გადაიხადა, ეროვნული ბანკის მიხედვით, ლარის ოფიციალურმა საშუალო გაცვლითმა კურსმა დოლართან მიმართებით 2017 წელს 2.51 შეადგინა. შესაბამისად, არჩილ გოგსაძის გასავალმა იპოთეკური სესხის პროცენტის სახით 43 867 ლარი შეადგინა.

ამავე დროს, არჩილ გოგსაძის და მისი მეუღლის ჯამური დანაზოგი 2018 წელს, 2017 წელთან შედარებით, 5 500$-დან 6 840$-მდე გაიზარდა.

საერთო ჯამში არჩილ გოგსაძის დეკლარირებულმა გასავალმა (სესხი და შვილების სწავლის გადასახადი) 58 867 ლარი შეადგინა, რაც მისსავე დეკლარირებულ შემოსავალზე (52 882.78 ლარი), დაახლოებით, 5 984 ლარით მეტია", - წერია „საერთაშორისო გამჭვირვალობა - საქართველოს" მიერ გავრცელებულ ინფორმაციაში.