მე არ მგონია, რომ შეჩერების მექანიზმის ამოქმედების საფრთხის წინაშე ვდგავართ, მაგრამ მოქალაქეებმა უვიზოდ მიმოსვლის შეთანხმების ბოროტად გამოყენება უნდა შეწყვიტონ, - ამის შესახებ პარლამენტის თავმჯდომარის პირველმა მოადგილემ თამარ ჩუგოშვილმა განაცხადა.
მისი თქმით, თუ ბოროტად ვისარგებლებთ იმ ძალიან დიდი მიღწევით, რომელიც საქართველომ მიიღო გასულ წელს, შესაძლებელია, მთელ ქვეყანას შევუქმნათ პრობლემები.
"ძალიან მნიშვვნელოვანია, რომ ჩვენი მოქალაქეები პატივისცემით ეკიდებოდნენ იმ შეთანხმებას, რომელიც საქართველოს აქვს ევროკავშირთან და მის წევრ ქვეყნებთან. თუკი ბოროტად ვისარგებლებთ იმ ძალიან დიდი მიღწევით, რომელიც საქართველომ მიიღო გასულ წელს, შესაძლებელია, მთელ ქვეყანას შევუქმნათ პრობლემები. ასე, რომ ძალიან დიდი იმედი მაქვს, რომ ყველა მოქალაქე ამას პასუხისმგებლობით მოეკიდება. მე არ მგონია, რომ შეჩერების მექანიზმის ამოქმედების საფრთხის წინაშე ვდგავართ, მაგრამ მოქალაქეებმა უვიზოდ მიმოსვლის შეთანხმების ბოროტად გამოყენება უნდა შეწყვიტონ", - განაცხადა თამარ ჩუგოშვილმა.
ცნობისთვის, უვიზო მიმოსვლასთან დაკავშირებით, საქართველოში გერმანიის შსს-ს წარმომადგენლები იმყოფებიან.