"სომხურ-ქართული თანამშრომლობა ურთიერთნდობის ატმოსფეროში გრძელდება", - ამის შესახებ სომხეთის პრემიერმინისტრმა, კარენ კარაპეტიანმა საქართველოს პრემიერმინისტრ გიორგი კვირიკაშვილთან და ქართულ დელეგაციასთან შეხვედრაზე განაცხადა.
კარენ კარაპეტიანის თქმით, სომხეთს და საქართველოს კიდევ უფრო დიდი პოტენციალი აქვს.
"მოგესალმებით, პატივცემულო კოლეგებო, პატივცემულო ბატონო პრემიერო, პატივცემულო მეგობარო!
კიდევ ერთხელ მოგესალმებით თქვენ და თქვენი ხელმძღვანელობით სომხეთში ჩამობრძანებულ დელეგაციას.
მოხარულნი ვართ თქვენი ვიზიტით. უნდა დავაფიქსირო, რომ სომხურ-ქართული თანამშრომლობა ურთიერთნდობის ატმოსფეროში გრძელდება. დღეს, როგორც ყოველთვის, ჩვენმა შეხვედრამ ჩაიარა ძალზედ თბილ და კონსტრუქციულ გარემოში. განვიხილეთ, როგორც ჩვენი ორმხრივი, ისე რეგიონალური საკითხები. ვისაუბრეთ თანამშრომლობის შესაძლო მიმართულებებზე. ასევე, იმ ნაბიჯებზე, რაც უნდა გადავდგათ ეკონომიკური თანამშრომლობის განვითარების მიმართულებით. ვისაუბრეთ ტურიზმისა და ჯანდაცვის სფეროების შესახებ. შევთანხმდით იმ ქმედებებზე, რაც უნდა განვახორციელოთ საიმისოდ, რომ ორი ქვეყნის ახალგაზრდების ურთიერთობამ მიიღოს ინტენსიური ხასიათი. საუბარი შეეხო ისტორიულ-კულტურული მემკვიდრეობის ძეგლების აღდგენის საკითხებსაც. უნდა დავაფიქსირო, რომ როგორც პირისპირ, ასევე, გაფართოებული შეხვედრიდან ძალზედ კარგი განწყობით გამოვედით. ჩვენ რეალურად დავსახეთ მიზნები, თუ საით მივდივართ. დარწმუნებულები ვართ, რომ მიუხედავად ორ ქვეყანას შორის არსებული მაღალი დონის ურთიერთობისა, ასევე, ეკონომიკური განვითარების გზაზე მიღწეული მაღალი მაჩვენებლისა, პოტენციალი კიდევ უფრო დიდი გვაქვს. მოხარული ვარ რომ აქ ბრძანდებით", - განაცხადა სომხეთის პრემიერმა.
