რუსეთს ვერ შევცვლით, მაგრამ შეგვიძლია, რუსეთს ასეთ [არჩილ ტატუნაშვილის გარდაცვალება] ფაქტებზე მეტი წინაღობა დავუყენოთ, – ამის შესახებ საპარლამენტო უმცირესობის წევრმა, ელენე ხოშტარიამ განაცხადა.
მისი თქმით, რუსეთმა უნდა იცოდეს, რომ ასეთი ტიპის ქმედებები ფასი დაუჯდება.
"ეს რუსეთმა გააკეთა და აგრძელებს. ეს არის რუსეთი, ეს არის რუსეთის დამოკიდებულება ადამიანების მიმართ, ეს არის ჩვენი სუვერენიტეტის მიმართ დამოკიდებულება, ეს არის საფრთხე, რომელშიც ვცხოვრობთ. მნიშვნელოვანია, პარტნიორებთან ერთად ამ შემთხვევაზე მიზანს მივაღწიოთ. რუსეთმა უნდა იცოდეს, რომ ასეთი ტიპის ქმედებები ფასი დაუჯდება. ეს ჩვენი უსაფრთხოების საერთო პოლიტიკა უნდა იყოს. ამისთვის კონკრეტული შეთავაზება გვაქვს, რაც ოთხოზირიას სიას ეხება. ეს კონკრეტული მექანიზმია იმის, რუსეთს მსგავსი ფაქტები ფასი როგორ დაუჯდეს. თუ ერთიან და წინასწარ პოლიტიკას არ მოვიფიქრებთ, ამ ყველაფრის შეჩერებაზე რეაგირების რეჟიმში ყოფნა ძალიან გაგვიჭირდება. ამ პროცესში მთავარი ჩვენი პარტიორები არიან და ვიმედოვნებ, რომ ამ შემთხვევაში პარლამენტი ერთიანი და ზეპარტიული იქნება. ბევრად უფრო აქტიურად უნდა ვიმუშაოთ, რომ საერთაშორისო პოლიტიკა აქტიური იყოს და რუსეთმა ფასი გადაიხადოს. რუსეთს ვერ შევცვლით, მაგრამ შეგვიძლია, რუსეთს ასეთ ფაქტებზე მეტი წინაღობა დავუყენოთ”, – განაცხადა ელენე ხოშტარიამ ჟურნალისტებთან საუბრისას.
