ცეცხლის გავრცელების საშიშროება არ არის, - ამის შესახებ დედაქალაქის მერმა კახა კალაძემ განაცხადა, რომელიც "თერგის" ბაზრობის მიმდებარე ტერიტორიაზე იმყოფება.
მისი თქმით, ცეცხლის ლოკალიზება უხლოეს ხანებში მოხდება.
"მიმდინარეობს ხანძრის ლოკალიზება. მობილიზებულია მთელი ქალაქის სახანძრო სამაშველო ბრიგადები, სასწრაფო სამედიცინო დახმარების ბრიგადები. საბედნიეროდ, მსხვერპლი არ არის. უახლოეს მომავალში მთლიანად იქნება ლოკალიზებული ხანძარი. გავრცელების საშიშროება არ არის",- განაცხადა კალაძემ.
ცნობისთვის, თბილისში, ცაბაძის ქუჩაზე, „თერგის“ ბაზრობის ტერიტორიაზე ძლიერი ხანძარია.
საგანგებო სიტუაციების მართვის სააგენტოს ცნობით, ადგილზე 40-ზე მეტი სახანძრო ჯგუფი მუშაობს.
თბილისში, ცაბაძის ქუჩაზე, ბაზრობა „თერგში“ ხანძარი გვიან ღამით გაჩნდა. საგანგებო სიტუაციათა სამსახურში ხანძრის შესახებ შეტყობინება 00:15 საათზე შევიდა. დაშავებულთა შესახებ ამ დროისთვის ინფორმაცია არ ვრცელდება. თბილისის მერის მოადგილის სოფო ხუნწარიას ინფორმაციით, რამდენიმე ადამიანს დასჭირდა სამედიცინო დახმარება, თუმცა როგორც მან აღნიშნა, არა ხანძრის გამო.
