,,ამ ძალიან მძიმე სამსახურს, უფრო მშვიდ ცხოვრებას ვარჩევდი“, -ასე პასუხობს გიორგი მარგველაშვილი კითხვას, აპირებს თუ არა 2018 წლის საპრეზიდენტო არჩევნებში მონაწილეობას, რომელიც მოქმედ პრეზიდენტს „მარნეული TV“-ის ეთერში სტუმრობისას დაუსვეს.
,,თუ იქნება საჭიროება, მე ვიყრი კენჭს, თუ არ იქნება და ეს არ არის ქვეყნისთვის სავალდებულო ან აუცილებელი, ამ ძალიან მძიმე სამსახურს, მიუხედავად იმისა რომ პატივია, სხვა უფრო მშვიდ ცხოვრებას ვარჩევდი.. მე ვერ ვხედავ, რა პოლიტიკური რეალობაა, ფერები არეულია. მმართველმა პარტიამ, რომელსაც პრემიერ-მინისტრიდან დაწყებული რაიონის გამგებლის მესამე მოადგილით დამთავრებული ყველა თანამდებობა უკავია, ერთი პრეზიდენტობის კანდიდატი რით ვერ დაასახელეს? იმიტომ რომ ძალიან არეულია პოლიტიკური ლანდშაფტი“, - განაცხადა გიორგი მარგველაშვილმა.
მისივე თქმით, შესაბამისად, გადაწყვეტილება ჯერ-ჯერობით მიღებული არ აქვს.
