სივრცე, რომელიც ქვეითებს, ბავშვებს, დედებსა და ხანდაზმულ ადამიანებს სჭირდებათ, მანქანებმა დაიკავეს და დროა, ეს ტენდენცია შეჩერდეს, - ამის შესახებ უმრავლესობის ლიდერმა არჩილ თალაკვაძემ განაცხადა.
მისი თქმით, თბილისში სატრანსპორტო პოლიტიკის გადაწყობა აუცილებელია და ქალაქის მერის ქმედით ნაბიჯებს ის მხარს უჭერს. მისივე თქმით, სწორი გადაწყვეტილებაა, რომ ტრაილერები ქალაქში არ უნდა მოძრაობდნენ, მათთვის შემოვლითი ინფრასტრუქტურა უნდა მოწესრიგდეს, დასუფთავების მანქანებმა გრაფიკით უნდა იმოძრაონ და სტანდარტთან მიმართებაში ტაქსების რეგისტრაცია უნდა მოხდეს.
„ყველას გვაწუხებს, რომ სივრცე, რომელიც ქვეითებს, ბავშვებს, დედებსა და ხანდაზმულ ადამიანებს სჭირდებათ, მანქანებმა დაიკავეს და დროა, ეს ტენდენცია შეჩერდეს. ქალაქი ადამიანებს უნდა დაუბრუნდეს“, – დასძინა არჩილ თალაკვაძემ.