ოფიციალური თბილისი ბოლო პერიოდში კონფლიქტის ზონებიდან გატაცებილი ქართველების შესახებ დეტალურ ინფორმაციას ევროკავშირის ელჩებსაც მიაწვდის. მომავალ კვირას 27 ქვეყნის დიპლომატი საქართველოში ჩამოდის. ამის შესახებ განცხადება საქართველოში ევროკავშირის სადამკვირვებლო მისიის ხელმძღვანელმა ჰანს იორგ ჰაბერმა გააკეთა.
ჰანს იორგ ჰაბერი აცხადებს, რომ დამკვირვებლები კონფლიქტის ზონებში ჩავლენ და ვითარებას ადგილზე გაეცნობიან. დოპლომატები მისიის მუშაობის შესახებ ანგარიშს ჩაიბარებენ. ევროკავშირის ელჩები საქართველოს პრეზიდენტსა და მთავრობის წევრებსაც შეხვდებიან.
"ჩვენი მისიის კონფუგურაციასა და მანდატს ევროკავშირი განსაზღვრავს. მომავალ კვირას ბრიუსელიდან დიპლომატები ჩამოვლენ რათა მისიის მუშაობა შეაფასონ. ჩვენ უნდა შევძლოთ ახალ რეალობასთან ადაპტირება. სექტემბერში ჩვენ შევძელით მოვრგებოდით მანდატის ახალ პირობებს. მე არ მიმაჩნია, რომ ჩვენი მანდატი ფუნდამენტალურ ცვლილებებს საჭიროებს, თუმცა საჭიროა მისი გაფართოება. მას შემდეგ რაც დანარჩენი ორი მისიის ეუთოსა და გაეროს მოქმედების ვადა ამოიწურა სიმშვიდის ელემენტის დეფიციტი აშკარად იგრძნობა", _ აცხადებს ჰანს იორგ ჰაბერი.
