„არაერთი მცდელობის მიუხედავად, მეუფე იაკობმა ჩემთან შეხვედრას თავი აარიდა. ვითხოვდი, მას ცილისმწამებლური განცხადება ან დაემტკიცებინა, ან უარეყო. ახლა დაუყონებლივ, კატეგორიულად მოვითხოვ ამის წმინდა სინოდზე განხილვას, რის უფლებასაც კანონიკური სამართალი და რჯულის კანონი მაძლევს, წმინდა სინოდის წევრებს კი ავალდებულებს“, - განუცხადა „ჯი-ეიჩ-ენს“ დეკანოზ გიორგი მამალაძის ადვოკატმა, მიხეილ რამიშვილმა.
ის საპატრიაქროში განცხადებას დღეს, დღის მეორენახევარში შეიტანს. რამიშვილი დარწნუნებულია რომ 5 დეკემბერს შეტანილი განცხადება ადრესატამდე, პატრიარქამდე არ მისულა, ადვოკატის განმარტებით, ილია მეორე საქმის კურსში საპატრიარქოს სამდივნომ არ ჩააყენა. ავდოკატის თქმით, განცხადებას რამდენიმე ვიდეოჩანაწერიც ერთვის თან.
რამიშვილი ითხოვს, მეუფე იაკობმა მის მიმართ გამოთქმული ცილისმწამებლური განცხადება უარყოს, ან დაამტკიცოს.
შეგახსენებთ, რომ პარალელურად, რამიშვილს თბილისის საქალაქო სასამართლოშიც აქვს სარჩელი შეტანილი მეუფე იაკობის მიერ მისი პატივის, ღირსებისა და საქმიანი რეპუტაციის შელახვის გამო.
