ბელარუსში საბავშვო ბაღის აღსაზრდელები ბაღიდან გაიქცნენ და მატარებლით გაისეირნეს. ინციდენტი ქალაქ სვეტლოგორსკში მოხდა. სამი ბიჭუნა ბაღიდან გაიპარა, რის შესახებაც მას შემდეგ გახდა ცნობილი, რაც მათ სახლში წასაყვანად მშობლებმა მიაკითხეს. მილიციის თანამშრომლებმა ბავშვები ქალაქგარეთ, მატარებელში იპოვეს. მომხდარის გამო ბაღის დირექტორი სამსახურიდან დაითხოვეს. სამართალდამცველები ახლა იმის გარკვევას ცდილობენ, თუ როგორ შეძლეს ბავშვებმა მატარებლის ვაგონში ასვლა.
