შეერთებულ შტატებს ირანში რევოლუცია არ სურს. ამის შესახებ სახელმწიფო დეპარტამენტის წარმომადგენელმა ჰეზერ ნაუერტმა განაცხადა.
„რევოლუცია არ არის ის, რის მიღწევასაც ვცდილობთ. ჩვენ გვსურს ცვლილებები, გვსურს ირანის ხელისუფლებამ ხალხს მოუსმინოს. ეს ჯერჯერობით არ ხდება და ამიტომ მოვლენებს წინ ვერ გავუსწრებთ,“-აღნიშნა ნაუერტმა.
მასშტაბური ანტისამთავრობო აქციები ირანში უკვე ერთი კვირაა, გრძელდება. სამართალდამცველებსა და დემონსტრანტებს შორის შეტაკებებს 22 ადამიანი ემსხვერპლა.
