დონალდ ტრამპის პრეზიდენტობის ერთი წლის განმავლობაში შეერთებულმა შტატებმა მხოლოდ 29 ათასი ლტოლვილი მიიღო. ამის შესახებ „იუ-ეს თუდეი“ სახელმწიფო დეპარტამენტის მონაცემებზე დაყრდნობით იტყობინება. „ეს არის ყველაზე მცირე რაოდენობა 2002 წლის შემდეგ, როდესაც შეერთებულმა შტატებმა ტერაქტების შემდეგ მიგრანტების მიღება შეზღუდა,“-ნათქვამია სტატიაში. საემიგრაციო პოლიტიკის გამკაცრება დონალდ ტრამპის წინასაარჩევნო კამპანიის ერთ-ერთი მთავარი დაპირება იყო.
