ვადამდელი საპარლამენტო არჩევნების შემდეგ კატალონიაში საკანონმდებლო ორგანოს პირველი სხდომა დაინიშნა. სხდომაზე, რომელიც 17 იანვარს არის დაგეგმილი, პარლამენტის სპიკერი უნდა აირჩიონ. ამის შემდეგ კი მთავრობის ფორმირების შესახებ დაიწყება მოლაპარაკება. კატალონიაში მიმდინარე პროცესებთან დაკავშირებით განცხადება გააკეთა ესპანეთის პრემიერ-მინისტრმაც. მარიანო რაჰოიმ იმედი გამოთქვა, რომ მომავალი მთავრობის ქმედებები რეგიონში კონსტიტუციასთან წინააღმდეგობაში არ მოვა.
