ირანში მასშტაბური საპროტესტო გამოსვლების პარალელურად, მთავრობის წინააღმდეგ აქციები ევროპაშიც იმართება. ოპოზიციის მხარდამჭერებმა მიტინგები პარიზსსა და ბრიუსელშიც გამართეს. მანიფესტაცია ირანის წინააღმდეგობის ეროვნული საბჭოს მიერ იყო ორგანიზებული. დემონსტრანტები საფრანგეთისა და ბელგიის დედაქალაქებში ირანის საელჩოებთან შეიკრიბნენ და ირანის მთავრობის გადადგომა მოითხოვეს. ბოლო მონაცემით, საპროტესტო გამოსვლების დროს მომხდარი შეტაკებების შედეგად ირანში 22 ადამიანი დაიღუპა, დაშავებულთა რაოდენობამ კი 450 გადააჭარბა.
