კიევის ადმინისტრაციულ საქმეთა სასამართლომ მიხეილ სააკაშვილის სარჩელი არ დააკმაყოფილა. „ახალ ძალთა მოძრაობის“ ლიდერი უკრაინის საემიგრაციო სამსახურის გადაწყვეტილებას ასაჩივრებდა, რომელმაც მისთვის დამატებითი დაცვის საჭიროების მქონე პირის სტატუსის მისანიჭებლად დოკუმენტაციის გაფორმებაზე უარი განაცხადა. ადვოკატებმა სასამართლოს სააკაშვილისთვის თავშესაფრის მოთხოვნის შუამდგომლობით მიმართეს, რაზეც დღეს უარი მიიღეს. სასამართლოს გადაწყვეტილებას დაცვის მხარე სავარაუდოდ გაასაჩივრებს.
