ისლამური რევოლუციის მცველთა კორპუსის მეთაურის განცხადებით, ირანის ქალაქებში მასობრივი არეულობები დასრულდა.
„დღეს ჩვენ შეგვიძლია განვაცხადოთ, რომ არეულობა დასრულდა და აჯანყება ჩახშობილია“, - აღნიშნა გენერალმა მოჰამად ალი ჯაფარიმ.
თეირანსა და ქვეყნის დიდ ქალაქებში მასობრივი საპროტესტო აქციები 28 დეკემბერს დაიწყო. ირანის პრეზიდენტის, ჰასან როუჰანის თქმით, აქციები შიდა პრობლემებითა და გარე ძალების პროვიცირებით არის გამოწვეული.
