მიხეილ სააკაშვილის აღკვეთის ღონისძიებასთან დაკავშირებით უკრაინის გენერალური პროკურატურის საჩივრის განხილვა კიევის სააპელაციო სასამართლომ 11 იანვრამდე გადაიდო. გადაწყვეტილება მოსამართლე ოლეგ პრისიაჟნიუკმა მიიღო. მიზეზი კი ის გახდა, რომ იმ დეპუტატებიდან, რომლებიც სააკაშვილს პირველი ინსტანციის სასამართლოზე თავდებში ჩაუდგნენ, სასამართლოზე მხოლოდ ერთი, იური დერევიანკო გამოცხადდა. სასამართლოში საჩივრის განხილვა 11 იანვარს, ადგილობრივი დროით 13:10 საათზე დაიწყება.
