დონალდ ტრამპი პალესტინელებს ემუქრება. ტვიტერის პირად გვერდზე თეთრი სახლის ლიდერი წერს, რომ თუ პალესტინას ისრაელთან სამშვიდობო მოლაპარაკებებს არ წარმართავს, ვაშინგტონისგან ფინანსურ დახმარებას ვეღარ მიიღებს.
"ჩვენ ყოველწლიურად პალესტინას ასობით მილიონ დოლარს ვაძლევთ, მაგრამ ისინი ამას არ აფასებენ და პატივისცემასაც კი არ ავლენენ ჩვენს მიმართ. მათ ისრაელთან სამშვიდობო მოლაპარაკების წარმართვა არ სურთ. მაშინ რატომ უნდა გადავუხადოთ მათ ამდენი ფული?“ - წერს ტრამპი.
