ავღანეთის დედაქალაქში ტერაქტის შედეგად დაღუპულთა რაოდენობა გაიზარდა. ბოლო მონაცემებით, ქაბულში მომხდარ აფეთქებას 41 ადამიანი ემსხვერპლა, 84 კი დაშავდა. ძლიერი აფეთქების ხმა ქაბულში დღეს დილით გაისმა. ტერორისტთა სამიზნე ადგილობრივი საინფორმაციო სააგენტო „ავღან ვოისი“ გახდა. შენობის შესასვლელთან თავი თვითმკვლელმა ტერორისტმა აიფეთქა. რამდენიმე წუთში სააგენტოს გვერდით მდებარე შიიტური კულტურის ცენტრის შენობაზე მიმაგრებული მაგნიტური ჭურვები აფეთქდა. ტერაქტზე პასუხისმგებლობა „ისლამური სახელმწიფოს“ დაჯგუფებამ აიღო.
