მოსკოველი მსროლელი პოლიციამ დააკავა. საკონდიტრო ფაბრიკა „მენშევიკის“ ყოფილი მეპატრონე სამართალდამცველებმა დღეს დილით აიყვანეს. ილია ავერიანოვმა ცეცხლი გუშინ ფაბრიკის ტერიტორიაზე გახსნა, რასაც ერთი ადამიანი ემსხვერპლა, ორი კი დაშავდა. კონფლიქტის მიზეზი ფაბრიკის ამჯამინდელ მეპატრონეებთან დაპირისპირება გახდა. სამართალდამცველებმა შენობის ბლოკირება მოახდინეს, თუმცა ავერიანოვმა ფაბრიკის ტერიტორიის დატოვება შეძლო.
